"Sautgempton" yarim himoyachisi Romeo Lavia o‘zining o‘yini bilan Xosep Gvardiolani hayratda qoldirdi.
19 yoshli futbolchi o‘tgan yilning iyul oyida 12,3 million yevro evaziga "Manchester Siti"dan "Sautgempton"ga o‘tgan edi. Premyer-liganing "avliyolar"ga qarshi o‘yini arafasida "Manchester Siti" boshqaruvchisi belgiyalik futbolchi haqida shunday dedi: "Men uning "Sautgempton"dagi o‘yinidan juda qoyil qoldim. Biz uning iqtidorini yuqori baholaymiz va klubimiz uni saqlab qolmoqchi edi, ammo biz unga kerakli o‘yin amaliyotini kafolatlay olmadik", - deya ispaniyalik mutaxassisning so‘zlarini keltiradi Goal.
Romeo Lavia “Sautgempton” safida Premer-ligada 20 ta o‘yin o‘tkazib, 1 ta gol urgan. "Manchester Siti" yarim himoyachini 45 million yevroga qaytarib sotib olish imkoniyatiga ega.
