Ёзги трансфер ойнасида ярим ҳимоячи Николо Барелла "Интер"ни бошқа клубга ўзгартириши мумкин. Calciomercatoweb хабарига кўра, 26 ёшли италиялик футболчига Англия Премьер-лигасининг икки гиганти қизиқиш билдирмоқда. Гап “Ливерпуль” ва “Челси” ҳақида кетмоқда.
Қайд этилишича, “Интер” Барелланинг трансфери учун 50 миллион евро талаб қилади. Шу билан бирга Transfermarkt портали экспертлари Италия терма жамоаси футболчисини 70 миллионга баҳоламоқда.
2022/2023 йилги мавсумда Николо Барелла “Интер” сафида турли мусобақаларда 38 та ўйинда майдонга тушди. Уларда футболчи олтита гол урди ва шерикларига саккизта голли узатмани амалга оширди.