Yozgi transfer oynasida yarim himoyachi Nikolo Barella "Inter"ni boshqa klubga o‘zgartirishi mumkin. Calciomercatoweb xabariga ko‘ra, 26 yoshli italiyalik futbolchiga Angliya Premyer-ligasining ikki giganti qiziqish bildirmoqda. Gap “Liverpul” va “Chelsi” haqida ketmoqda.
Qayd etilishicha, “Inter” Barellaning transferi uchun 50 million yevro talab qiladi. Shu bilan birga Transfermarkt portali ekspertlari Italiya terma jamoasi futbolchisini 70 millionga baholamoqda.
2022/2023 yilgi mavsumda Nikolo Barella “Inter” safida turli musobaqalarda 38 ta o‘yinda maydonga tushdi. Ularda futbolchi oltita gol urdi va sheriklariga sakkizta golli uzatmani amalga oshirdi.
