"Манчестер Юнайтед" ҳали ҳам "Интер"нинг ўнг қанот ҳимоячиси Дензел Дюмфрисга қизиқиш билдирмоқда.
“Қизил иблислар” келаси ёзда нидерландиялик ҳимоячини сотиб олмоқчи. Бу ҳақда журналист Грем Бейли ижтимоий тармоқларда хабар берди.
"Манчестер Юнайтед" янги ўнг қанот ҳимоячиси қидирмоқда ва Дюмфрис бош мураббий Эрик тен Хагнинг ўйин тизимига мос келадиган маҳоратга эга. Олдинроқ "Интер" ўз футболчиси учун тахминан 40 миллион евро талаб қилиши ҳақида хабарлар тарқалган эди.
Жорий мавсумда Дюмфрис Италия А Сериясида 1 та гол урди ва 3 та голли узатмани амалга оширди.
