Миланнинг "Интер" клуби ҳужумчиси Эдин Жеко жамоаси билан янги шартнома шартларини келишиб олди.
Fc Inter News нашри хабарига кўра, босниялик футболчи 4 миллион евро маош ва 1 миллион бонус сифатида бир йиллик шартномага рози бўлган.
Тўғри, манбага кўра, агар "Интер" келаси мавсумда Чемпионлар лигасига йўл олсагина, Жеко янги шартнома имзолайди. Симоне Индзаги шогирдлари айни дамда кучли тўртликдан бир очко ортда қолган ҳолда турнир жадвалида бешинчи ўринда бормоқда.
Эслатиб ўтамиз, Жеко ўтган мавсумдан бери "Интер"да тўп сурмоқда. 37 ёшли босниялик футболчи А Сериянинг ушбу мавсумида 7 та гол ва 3 та голли узатмага эга.