Milanning "Inter" klubi hujumchisi Edin Jeko jamoasi bilan yangi shartnoma shartlarini kelishib oldi.
Fc Inter News nashri xabariga ko‘ra, bosniyalik futbolchi 4 million yevro maosh va 1 million bonus sifatida bir yillik shartnomaga rozi bo‘lgan.
To‘g‘ri, manbaga ko‘ra, agar "Inter" kelasi mavsumda Chempionlar ligasiga yo‘l olsagina, Jeko yangi shartnoma imzolaydi. Simone Indzagi shogirdlari ayni damda kuchli to‘rtlikdan bir ochko ortda qolgan holda turnir jadvalida beshinchi o‘rinda bormoqda.
Eslatib o‘tamiz, Jeko o‘tgan mavsumdan beri "Inter"da to‘p surmoqda. 37 yoshli bosniyalik futbolchi A Seriyaning ushbu mavsumida 7 ta gol va 3 ta golli uzatmaga ega.
