«Салернитана» дарвозабони Гильермо Очоа кейинги мавсумда ҳам клубда қолиши мумкин.
37 ёшли футболчининг амалдаги шартномаси июнь ойида якунига етади. Мексикалик футболчи Италиядаги ҳаётдан ва жамоадаги ўрнидан қониқиш ҳосил қилишини бир неча бор тан олган.
Инсайдер Николо Скиранинг сўзларига кўра, «Салернитана» раҳбарияти аллақачон дарвозабон билан янги шартнома бўйича музокараларни режалаштирган.
Очоа шу йилнинг январь ойидан бери «денгиз отлари» шарафини ҳимоя қилмоқда. А Серия доирасида у 12 та ўйин ўтказиб, 22 та гол ўтказиб юборди ва икки марта дарвозаси дахлсизлигини сақлаб қолди.
«Салернитана» Италия чемпионатида 29-турдан кейин 29 очко билан 15-ўринда бормоқда.
