"Бавария" марказий ҳимоячиси Маттейс де Лигт бугун Чемпионлар лигаси чорак финалида "Манчестер Сити"га қарши ўйнайдиган жамоадоши Жоау Канселунинг ўйинини юқори баҳолади. Эслатиб ўтамиз, португалиялик ҳали ҳам “шаҳарликлар”га тегишли ва Мюнхен жамоасида ижара асосида ўйнамоқда.
“Жоау ажойиб футболчи, у “Манчестер Сити”да ажойиб футбол кўрсатди. Канселу бизга келганида, бу биз учун бироз кутилмаган бўлди. Мавсум ўрталарида бундай савиядаги ўйинчи сафимизга қўшилишини кутмагандик", дейди ҳимоячи.
Жоау Канселу Германия чемпионатининг ушбу мавсумида бир гол ва иккита голли узатмага эга.
