"Бавария" "Наполи" ҳужумчиси Виктор Осимхеннинг нархига шубҳа қилмоқда, деб хабар беради Sky Germany.
Манбага кўра, неаполликлар томонидан эълон қилинган 100 миллион евро қиймати мюнхенликлар томонидан ошириб юборилган кўринади. Бироқ немис клуби раҳбарияти ҳужумчига қизиқишни йўқотмаяпти.
Осимхеннинг "Наполи" билан шартномаси 2025 йилнинг ёзига қадар мўлжалланган. Жорий мавсумда 24 ёшли нигериялик футболчи Италия клуби сафида 29 та ўйинда майдонга тушиб, 25 та гол урди ва 5 та голли узатмани амалга оширди.