"Наполи" сардори Жованни ди Лоренцо "Милан"га қарши Чемпионлар лигаси 1/4 финали биринчи учрашуви олдидан ўз фикрларини билдириб ўтди.
Жамоаларнинг А Сериядан ўрин олган яқиндаги учрашуви неаполликлар учун фалокат билан якунланди - ўз майдонида 0:4 ҳисобида мағлубиятга учради. Чоршанба куни жамоалар Чемпионлар лигаси доирасида "Сан-Сиро"да ўйнашади.
"Ўйлашимча, "Милан"га қарши сўнгги ўйинимиз ҳақида аллақачон кўп нарса айтилган, саҳифани варақлаш ва бу мағлубиятни унутиш вақти келди. Биз яхши тайёргарлик кўрдик. Бизда қўрқув йўқ, чунки ўша куни биз ўзимизда эмас эдик. Эртага бошқача бўлади", - деди 29 ёшли ўнг қанот ҳимоячиси матбуот анжуманида.
