Родри «Бавария»га қарши ўйинни сарҳисоб қилди.
«Манчестер Сити» Чемпионлар лигаси 1/4 финалининг биринчи ўйинида Мюнхен клубини 3:0 ҳисобида мағлуб этди. Родри биринчи голни урди ва ғалабага ҳисса қўшди.
«Ажойиб натижа, биз ажойиб ўйнадик. Мен учун бугун ҳимоявий ўйинимиз муҳим эди, биз яхши ҳимояландик ва рақибни жазолаш йўлини топдик.
Чемпионлар лигасида биринчи голни уриш ўзгача нарса. Ўша пайтда биз жуда қийналаётгандик, чунки уларда ажойиб жамоа йиғилган.
Биз ҳар доим ҳам 80 фоиз тўпга эга бўла олмаслигимизни тушунамиз. Улар ҳам биздан қолишмайди. Биз учта гол урдик ва тўртта гол уришимиз мумкин эди, аммо натижа ажойиб», – деди Родри.
