Мадриднинг “Реал” клуби ҳужумчиси Винисиус Жуниор ривожланишда давом этишини айтди.
“Мен 18 ёшимда дунёнинг энг яхши клубига келганман. Ўшандан бери ўрганяпман. Ҳозир 22 ёшдаман ва 200 дан ортиқ ўйин ўтказганман. Яхшироқ ўйнай бошлаганим нормал ҳолат. Лекин мен энг яхши версиямга эришиш учун ишлашда давом этаман. Ҳали барчаси олдинда”, — деди Винисиус.
Умуман олганда, Винисиус "Реал" сафида 215 та ўйинда майдонга тушди. Уларда бразилиялик ҳужумчи 57 та гол урган ва шерикларига 59 та голли узатма берган.
Эслатиб ўтамиз, Мадриднинг “Реал” клуби Чемпионлар лигаси 1/4 финалининг биринчи ўйинида “Челси”ни 2:0 ҳисобида мағлуб этганди.