Madridning “Real” klubi hujumchisi Vinisius Junior rivojlanishda davom etishini aytdi.

“Men 18 yoshimda dunyoning eng yaxshi klubiga kelganman. O‘shandan beri o‘rganyapman. Hozir 22 yoshdaman va 200 dan ortiq o‘yin o‘tkazganman. Yaxshiroq o‘ynay boshlaganim normal holat. Lekin men eng yaxshi versiyamga erishish uchun ishlashda davom etaman. Hali barchasi oldinda”, — dedi Vinisius.

Umuman olganda, Vinisius "Real" safida 215 ta o‘yinda maydonga tushdi. Ularda braziliyalik hujumchi 57 ta gol urgan va sheriklariga 59 ta golli uzatma bergan.

Eslatib o‘tamiz, Madridning “Real” klubi Chempionlar ligasi 1/4 finalining birinchi o‘yinida “Chelsi”ni 2:0 hisobida mag‘lub etgandi.