“Ан-Наср” Руди Гарсиянинг жамоа бош мураббийлигидан кетганини расман эълон қилди. Қайд этилишича, томонлар ўзаро келишувга кўра хайрлашган. “Ан-Наср” раҳбарлари французга қилган ишлари учун миннатдорчилик билдирди.

Руди Гарсия ўтган ёздан бери “Ан-Наср”ни бошқариб келмоқда эди. Ушбу мутахассис қўл остидаги 26 учрашувда жамоа 18 ғалаба, 5 дуранг ва 3 мағлубият қайд этган.

Эслатиб ўтамиз, мавсум ўртасида юлдуз ҳужумчи Криштиану Роналду "Ан-Наср" сафига келиб қўшилган эди. Жамоа ҳозирда Саудия Арабистони лигаси турнир жадвалида иккинчи ўринда бормоқда. “Ан-Наср” “Ал-Иттиҳод”дан 3 очко ортда қолмоқда.