“An-Nasr” Rudi Garsiyaning jamoa bosh murabbiyligidan ketganini rasman e’lon qildi. Qayd etilishicha, tomonlar o‘zaro kelishuvga ko‘ra xayrlashgan. “An-Nasr” rahbarlari fransuzga qilgan ishlari uchun minnatdorchilik bildirdi.
Rudi Garsiya o‘tgan yozdan beri “An-Nasr”ni boshqarib kelmoqda edi. Ushbu mutaxassis qo‘l ostidagi 26 uchrashuvda jamoa 18 g‘alaba, 5 durang va 3 mag‘lubiyat qayd etgan.
Eslatib o‘tamiz, mavsum o‘rtasida yulduz hujumchi Krishtianu Ronaldu "An-Nasr" safiga kelib qo‘shilgan edi. Jamoa hozirda Saudiya Arabistoni ligasi turnir jadvalida ikkinchi o‘rinda bormoqda. “An-Nasr” “Al-Ittihod”dan 3 ochko ortda qolmoqda.
