Германиянинг "Байер" ҳимоячиси Жереми Фримпонг фаолиятини "Манчестер Юнайтед"да давом эттириши мумкин, дея хабар бермоқда Sport1.
Манбага кўра, немис клуби ўз футболчиси учун тахминан 44 миллион фунт (тахминан 50,2 миллион евро) талаб қилади. Футболчининг ўзи "қизил иблислар" сафига қўшилишни истамоқда.
Фримпонгнинг "Байер" билан амалдаги шартномаси 2025 йилнинг ёзига қадар тузилган. Transfermarkt портали 22 ёшли нидерландиялик футболчини 35 миллион еврога баҳоламоқда.
Ҳимоячи жорий мавсумда Леверкузенликлар сафида 38 та ўйинда майдонга тушиб, 8 та гол урди ва 9 та голли узатмани амалга оширди.
