"Бавария"нинг ҳужумкор ярим ҳимоячиси Лерой Сане клуб раҳбариятига мурожаат қилиб, сенегаллик футболчи билан яқинда юзага келган можарога қарамай, Садио Манени жамоада сақлаб қолишни сўради.
Чемпионлар лигаси 1/4 финалининг "Манчестер Сити"га қарши биринчи ўйинидан сўнг (0:3) жамоадошлар ўртасида жанжал келиб чиқди ва Мане Саненинг юзига зарба берди.
Эслатиб ўтамиз, Садио ўзининг хатти-ҳаракати учун аллақачон ярим миллион евро жаримага тортилган эди. Клуб футболчини ёзги трансфер ойнасида сотишни режалаштирган.
Мане ўтган ёзда "Бавария"га ўтган эди. 31 ёшли футболчи билан 2025 йилнинг ўрталарига қадар мўлжалланган узоқ муддатли шартнома имзоланган.
