Англиянинг "Ньюкасл" жамоаси бир неча ҳафтага ўз ҳужумчиларидан бири - Аллан Сен-Максименни йўқотди.
Инсайдер Жордан Кройннинг фикрича, франциялик ҳужумчи 4-6 ҳафтани ўтказиб юборади. Буларнинг барчаси сон суягининг жароҳати туфайли.
Шу тариқа, мавсумнинг якуний қисмидаги кўплаб ўйинларда 26 ёшли ҳужумчи майдонга тушмайди. Тўғри, франциялик футболчининг жароҳати "Ньюкасл" учун кучли зарба деб бўлмайди, чунки, у жорий мавсумда "қарғалар" сафида АПЛнинг 20та ўйинида майдонга тушди ва бу ўйинларда бир марта гол урди ва бешта голли узатмани амалга оширди.
Премьер-лиганинг бўлажак турида "Ньюкасл" "Астон Вилла" билан тўқнаш келади.
