"ПСЖ" клуби Дортмунднинг "Боруссия" клуби ярим ҳимоячиси Жуд Беллингем учун курашда иштирок этмайди.
Ўтган ҳафтада маълум бўлишича, 19 ёшли футболчи фаолиятини давом эттиришнинг баъзи вариантларини, жумладан, "ПСЖ"ни ҳам рад этган.
Инсайдер Фабрицио Романонинг сўзларига кўра, агар Беллингем якунда бошқа клубга ўтишни танласа, парижликлар раҳбарияти унчалик хафа бўлмаса керак. "ПСЖ"нинг англиялик ярим ҳимоячи борасида жиддий режаси йўқ, айни дамда парижликлар футболчини режаларини ўзгартиришга кўндириш учун ҳеч қандай чора кўрмаяпти.
Жуд Беллингем учун асосий даъвогарлар "Манчестер Сити" ва "Реал" бўлиб қолмоқда.
