"Манчестер Сити" ҳимоячи Аймерик Ляпорт жамоани тарк этишга қарор қилса, ёзда уни қўйиб юборишга тайёр, деб хабар беради Daily Mail.
Ляпорт бу мавсумда "шаҳарликлар"нинг асосий таркибида деярли майдонга тушмаяпти ва Хосеп Гвардиола жамоасида Премьер-лигада бор йўғи 7та ўйинда иштирок этди. Манбанинг айтишича, ҳимоячи ўзининг жамоадаги ролидан ҳафсаласи пир бўлган. Клуб, ўз навбатида, ўйин вақтидан норози бўлган футболчиларни ўз сафида сақлашни тўхтатди.
Ёзда Дортмунднинг "Боруссия"сидан келиб қўшилган ҳимоячи Мануэль Аканжи Ляпортнинг мавсумнинг асосий қисмини захира ўриндиғида ўтказишига асосий сабаб бўлди.
Transfermarkt портали унинг трансфер нархини 30 миллион еврога баҳоламоқда. 28 ёшли испанияликнинг “Сити” билан шартномаси 2025 йилнинг 30 июнига қадар тузилган.