"Наполи" бош мураббийи Лучано Спалетти "Милан"га қарши Чемпионлар лигаси 1/4 финал жавоб ўйинидан олдинги фикрлари билан ўртоқлашди. Биринчи учрашувда неаполликлар сафарда 0:1 ҳисобида мағлуб бўлишди.
"Биз деталлар ва биринчи ўйинда содир бўлган воқеалар устида ишлаяпмиз. Ҳар доим яхшиланиши мумкин бўлган нарсалар бор. "Милан"да техник жамоа бор. Уларда мотор бор. Уларнинг дарвозабони либеро каби ўйнайди. Биз майда деталларга эътибор беришимиз керак. Шунда биз улардан кўра яхшироқ ҳолатда бўламиз.
Биз тажрибалимиз. Олдинда биз етуклик ва характер кўрсатган кўплаб Чемпионлар лигаси ўйинлари бор. Мен бу фазилатларни қайта тиклай олмаслигимиз учун ҳеч қандай сабаб кўрмаяпман. Натижани ўзгартириш ҳар доим ҳам мумкин. Жамоа буни уддасидан чиқишига ишонаман.
Сиз ўз ўйинингизни қандай ўйнаш ҳақида ўйлашингиз керак, унга бор кучингизни беришингиз керак. Бу турнир, бу даражадаги футбол футболчиларнинг меҳнатлари учун мукофотдир. Бу жамоага қилган таъсири учун бутун шаҳарга берилган мукофот. Биз бунинг учун бор кучимизни беришимиз керак", - деди Спалетти УЕФА расмий сайтига.
