Мадриднинг "Реал" клуби Испания ҳакамлар қўмитаси собиқ вице-президенти Хосе Негрейрага пора бергани учун текширилмоқда. El Chiringuito нашри хабарига кўра, "қироллик клуби" ҳам коррупцияга алоқадор бўлиши мумкин.
Манбага кўра, прокуратура ҳозирда "Реал Мадрид"нинг Негрейра билан алоқаси бор-йўқлигини текширмоқда. Эслатиб ўтамиз, аввалроқ “Барселона” Негрейрага бир неча йил давомида умумий миқдори 7,4 миллион евро пора берганликда айбланган эди.
Олдинроқ "Барселона" "Негрейра иши" бўйича айбдор деб топилса, Европа мусобақаларидан четлатилиши билан таҳдид қилинганди. Жамоа ҳозирда "Реал Мадрид"дан 11 очко кўп тўплаган ҳолда Ла Лигада пешқадамлик қилмоқда.
