Садио Маненинг Лерой Сане билан жанжали учун олган жаримаси "Бавария" тарихидаги рекорд бўлди.
Эслатиб ўтамиз, "Бавария" 0:3 ҳисобида мағлуб бўлган "Манчестер Сити"га қарши Чемпионлар лигаси ўйинидан сўнг, кийим алмаштириш хонасидаги можаро пайтида Мане Саненинг юзига урган эди.
Bild хабарига кўра, сенегаллик форвард бунинг учун 350 минг евро жаримага тортилган.
Бу Мюнхен клуби тарихидаги энг йирик жарима ҳисобланади. Масалан, Франк Рибери 2012 йилда Арьен Роббен билан жанг учун 50 минг евро тўлаганди.
Шартномага кўра, "Бавария" Садиони 2 миллион еврогача (ойлик маоши) жазолаши мумкин эди, аммо буни қилмасликка қарор қилди.
Аввалроқ жарима миқдори тахминан 500 минг еврони ташкил қилиши айтилганди.