"Бавария" келаси ёзда ҳужумкор ўйинчилардан бирини сотишини тўлиқ тан олди. Журналист Кристиан Фалькнинг фикрича, жамоадан кетиш учун ҳужумчилар Серж Гнабри ва Садио Мане асосий номзодлар.
Мюнхен клуби ҳар икки футболчининг ўйинларидан норози. Гнабри ўтган ёзда янги шартнома имзолади ва юқори маош олди, аммо Серж ҳозирча раҳбариятнинг ишончларини оқламади.
Раҳбариятнинг "Ливерпул"дан кўчиб ўтган Маненинг кўрсатаётган ўйинидан ҳафсаласи пир бўлмоқда. Садио шериги Лерой Саненинг юзига мушт туширгач, вазият ёмонлашди, шундан сўнг клуб сотиш ҳақида жиддий ўйламоқда.
