«Манчестер Сити» бош мураббийи Хосеп Гвардиола «Реал»га қарши ярим финал учрашуви ҳақида ўз фикрларини билдириб ўтди.
«Шаҳарликлар» «Бавария» устидан умумий 4:1 ҳисобида ғалаба қозонишди. Бир кун аввал «қаймоқранглилар» «Челси»ни Чемпионлар лигасидан четда қолдирганди.
Шу тариқа, «Манчестер Сити» кетма-кет иккинчи мавсум ярим финалда «Реал» билан ўйнайди – ўтган йили испанлар ғалабани нишонлаганди.
«Агар сиз Чемпионлар лигасида ғалаба қозонишни истасангиз, «Реал Мадрид»ни мағлуб этишингиз керак.
Менимча, буни барча клублар билади. Илгари улар «Барселона» ҳақида, энди эса «Реал» ҳақида шундай дейишади», - деди «Манчестер Сити» устози.
