"Арсенал" бош мураббийи Микель Артета ярим ҳимоячи Букайо Сака жамоанинг асосий пенальти тепувчиси бўлиб қолишини айтди.
Эслатиб ўтамиз, Англия Премьер-лигасининг сўнгги турида футболчи "Вест Хэм" дарвозасига пенальтидан гол кирита олмаганди. Натижада “Арсенал” 2:2 ҳисобида дуранг ўйнаб, очко йўқотди.
"Сака "Арсенал"нинг асосий пенальти тепувчиси бўлиб қоладими? Албатта. Агар йўқ бўлса, шахсан мен майдонга чиқаман, тўпни унга бераман ва пенальтини айнан Букайо амалга оширишига ишонч ҳосил қиламан", - деди Артета матбуот анжуманида.
Сака жорий мавсумда Премьер-лигада 12 та гол ва 10 та голли узатмани амалга оширди.
