"Севилья" бош мураббийи Хосе Луис Мендилибар Европа лигаси 1/4 финали жавоб учрашувида "Манчестер Юнайтед" устидан қозонилган ғалаба (3:0) ҳақида фикр билдирди.
“Бу катта муваффақиятга ўрганиб қолган жамоа. Биз Манчестердаги қийин вазиятдан чиқдик, у ерда энг яхши ўйин кўрсатмай, дурангга эришдик. Шундай қилиб, одамлар буни қила олишимизга ишонишди. Ва биз қилдик. Футболчиларим "Юнайтед"ни бунчалик ишончли, ҳеч қандай муаммосиз мағлуб этгани ажабланарли. Бу жуда қийин", - дея Мендилибар сўзларидан иқтибос келтиради УЕФА матбуот хизмати.
"Севилья" "Манчестер Юнайтед"ни умумий 5:2 ҳисобида мағлуб этди. Испания жамоаси Европа лигасининг ярим финалида “Ювентус” билан ўйнайди.