“Рома” бош мураббийи Жозе Моуриньо Европа лигаси 1/4 финали жавоб ўйинида “Фейеноорд” устидан қозонилган ғалаба (4:1) ҳақида фикр билдирди.
"Қийин ўйинда "Рома" жуда яхши ҳаракат қилди. Дибаланинг ҳолати ўйинга тайёргарлик кўришга ёрдам бермади, Вейналдум ҳам жароҳати сабаб ёрдам бермаяпти. Йигитлар ажойиб жамоага қарши яхши ўйнай олишди, аммо биз шунчаки улардан яхшироқ эдик", — дея Моуриньо сўзларини келтирмоқда УЕФА матбуот хизмати.
Римликлар умумий 4:2 ҳисобида ғалаба қозонишди. Жозе Моуриньо шогирдлари Европа лигаси ярим финалида Леверкузеннинг “Байер”ига қарши майдонга тушади.
