Саудия Арабистонининг номи ошкор этилмаётган клуби тез орада Мадриднинг “Реал” клуби ярим ҳимоячиси Лука Модричга навбатдаги таклиф билан чиқади ва бу охирги таклиф бўлади. Бу ҳақда AS нашри хабар бермоқда.
Саудияликлар 37 ёшли хорватиялик футболчини ёзда текинга ўз сафига қўшиб олмоқчи. Ярим ҳимоячига мавсумига 25 миллион евро маош билан икки йиллик шартнома таклиф қилинади - бу унинг "Реал"даги маошидан икки баравар кўп.
Шу билан бирга, Модричнинг ўзи ҳам Мадридда қолишни истамоқда. Клуб яқин ҳафталарда шартномани узайтириш бўйича музокараларни бошлаши ҳақида маълумотлар бор эди.
