"Манчестер Юнайтед"нинг собиқ ярим ҳимоячиси Пол Скоулз "Севилья"га (0:3) қарши ўйиндан сўнг Антони Марсьялни танқид қилди.

"Марьсяль иқтидорли йигит. Аммо вазиятлар қийинлашиб қолса, унда қўрқув пайдо бўлади. Бугун ҳам у худди шундай қилди.

Унинг жароҳати қанчалик жиддий эканини билмайман, у оқсоқланиб қолди. Бу сиз билмаган ўйинчилардан бири: эртага у машғулот ўтказади ёки 6 ойга сафдан чиқади.

Ўйлашимча, "Манчестер Юнайтед"да ҳаммаси таркибнинг сифатига боғлиқ. Майдонда Каземиро ва Эриксен каби сифатли футболчилар бор, лекин кейин Вегхорстни қўйиб юбориш керак. Футболчилар тайёр бўлмаса, сифат йўқолади.

Бу мавсумда биз ҳалокатли тунларни бошдан кечирдик, лекин мен ҳали ҳам Тен Хаг тўғри иш қилаётганини ҳис қиляпман, биз тўғри йўналишда кетяпмиз. Унга таркибни тўлдириш учун энг яхши футболчилар керак", - деди Скоулз.