Жозе Моуриньо Антонио Кассанони масхара қилди.

"Рома" Европа лигасининг чорак финал жавоб учрашувида қўшимча бўлимларда "Фейеноорд"ни 4:1 ҳисобида мағлуб этиб, ярим финалга йўл олди.

Учрашувдан сўнг Италия клуби бош мураббийи Sky Sports нашрига интервью берди.

- Студияда сизга савол бермоқчи бўлган чемпионлар кўп.

- Антонио Кассано студияда эмасми? – кулиб сўради португалиялик мураббий.

- Римдаги ишингиз билан фахрланасизми? Жамоада бирдамлик яратишга муваффақ бўлдингиз.

– Қилаётган ишимни тушуниш учун етарлича тажрибам бор. Менда мувозанат бор. Мен мувозанатлиман.

Бироз олдин айтганимдек, мен фаолиятимнинг бир босқичидаман, унда футболчилар муҳимроқ, мухлислар муҳимроқ ва мен унчалик муҳим эмасман.

Мен мухлисларга хурсандчилик, йигитларга эса ўсиш ва яхшироқ бўлиш имкониятини бермоқчиман. Бундан фахрланаман. Мен бугун фахрланаман.

Ишончим комилки, мухлислар майдонда боримизни қандай берганимизни кўриб, хурсанд бўлиб уйларига қайтишади. Мағлубиятга учраганимизда ҳам жаҳлим чиқмайди, чунки биз бир оиламиз”, - деди Жозе Моуриньо.