"Реал Мадрид" бош мураббийи Карло Анчелотти Ла Лига чемпионлиги учун курашдан воз кечиш ниятида эмас. “Қироллик клуби” якунланишига 9 тур қолганида турнир жадвалида пешқадам “Барселона”дан 11 очко ортда қолмоқда.
“Биз Ла Лига чемпионлиги учун охиригача курашамиз. Биз чемпионатнинг қолган ўйинларидан ҳеч бўлмаганда ўйиннинг тўғри ритмини сақлаб қолиш учун фойдаланмоқчимиз”, — деди Анчелотти матбуот анжуманида.
Испания чемпионатининг навбатдаги турида Мадриднинг “Реал” клуби ўз майдонида “Сельта”ни қабул қилади.
