Италиянинг "Рома" клубининг аргентиналик ҳужумчиси Пауло Дибала футболчилар яна бир бор Рим клубини еврокубок финалига олиб чиқишни исташларини айтди ва биргаликда кечки овқат пайтида клуб афсонаси Франческо Тотти билан суҳбатлашишга қарши эмаслигини таъкидлади.
"Бош мураббийимиз бизга ҳиссиётларни юклайди, шу туфайли биз ғалабаларга интиламиз. Биз "Рома"ни еврокубок финалига қайтармоқчимиз.
Тотти? У билан суҳбатлашиш ва танишиш учун кечки овқат ёки бир пиёла кофе ичмоқчиман. Мен уни жуда ҳурмат қиламан", - деди Дибала.
Тотти бутун профессионал футболчилик фаолиятини "Рома"да ўтказган. Ҳужумчи 1993 йилдан 2017 йилгача шу клубда ўйнаган. Дибала ўтган ёзда "Рома"га ўтган эди.
