Кеча «Ювентус» «Фиорентина» билан сафардаги ўйинда 0:0 ҳисобида дуранг қайд этди. Учрашувдан сўнг туринликлар посбони ўйин ҳақидаги ўз фикрларини билдириб ўтди.
«Бугун бизда чарчоқ аломатлари бор эди. Гарчанд, рақибларимиз ҳам бизга ўхшаб сўнгги ўйинни шанба куни ўтказишган бўлса-да, уларда чарчоқ билинмади. «Фиорентина»да ажойиб мураббий ва ўзига хос тактик система бор деб, бемалол айтишингиз мумкин. Бундай ўйиндаги дурангда ҳеч қандай шармандалик йўқ».
«Биз бугун яхши ўйнадик, лекин флоренцияликлар 3-4 марта голга тортадиган хавфли вазиятларга эга бўлишди. Асосийси, гол ўтказиб юбормаганимиз эришган яхши натижамиздир. «Фиорентина» бугун мақтаса арзигулик ўйин кўрсатди. 90 дақиқа давомида тўхтамасдан югуришди ва яхши ўйин намойиш қилишди. Натижада, биз ўзимиз хоҳлаган ўйинни намойиш қила олмай қолдик», дейди Жанлуижи Буффон.