Каталониянинг "Барселона" клуби Лондоннинг "Тоттенхэм" клуби билан жорий мавсум "шпорлар"га ижарага берилган марказий ҳимоячи Клеман Ланглени тўлиқ сотиш бўйича музокаралар олиб бормоқда.
Sport нашри хабарига кўра, "Барселона" марказий ҳимоячиси учун 12 миллион евро ишлаб олишни кутмоқда. Музокаралар чоғида Каталония клуби "Тоттенхэм"га франциялик футболчининг хизматларига бошқа жамоалар ҳам қизиқиш билдираётганини маълум қилди.
Эслатиб ўтамиз, Лангле ўтган ёзда бош мураббий Антонио Контедан "Тоттенхэм"га таклиф олганди. Ҳозир жамоада доимий устози йўқ, аммо "шпорлар" раҳбарияти футболчини ўзида сақлаб қолмоқчи.
