"Барселона" бош мураббийи Хави Эрнандес "Атлетико Мадрид"даги ҳамкасби Диего Симеоне билан муносабатлари ҳақида гапирди. Эслатиб ўтамиз, ҳар икки мураббий эртага "Камп Ноу"да Испания чемпионати доирасидаги баҳсда учрашади.
“Мени Симеоне жуда ҳайратда қолдиради. Унинг эришган ютуқлари таҳсинга сазовор. Гарчи футболга қарашларимиз турлича бўлса-да, мен унинг мураббийлик фазилатларига қойил қоламан”, - деди Хави матбуот анжуманида.
"Барселона" айни дамда Испания чемпионати жадвалида пешқадамлик қилмоқда. Учинчи ўриндаги “Атлетико” чемпионат тугашига 9 тур қолганида Хави Эрнандес жамоасидан 13 очко ортда қолмоқда.
