«Бавария» Нагельсманни истеъфога чиқариб, Тухелни тайинлаган пайтда жамоа ЕЧЛ ва Германия кубогида қатнашаётган, Бундеслигада эса, «Боруссия»дан 1 очко ортда бўлса-да, ўз майдонида ўзаро ўйин кутиб турганди.

Ҳозир ҳам «Бавария» 1 очко орқада, аммо энди ҳаммаси «Боруссия» қўлида - ўзаро ўйин ўтиб кетган. Дортмундликлар кейинги 5 турда ғалаба қозонса кифоя. Рақиблар эса, бугун «Бавария»ни ютган «Майнц»дан ташқари, ҳаммаси 10-ўриндан пастдаги жамоалар.

ЕЧЛ ва Германия кубогидан ҳам чиқиб кетилди. Яъни, бир ой олдин требл қилиши мумкин бўлган жамоа энди мавсумни умуман совринсиз тугатишга яқин. Ягона соврин ҳам юқорида айтилганидек, Дортмундга боғлиқ.

Доим сокин, барқарор ва мувозанатли менежменти билан Европада ўрнак бўлган «Бавария» турли мемлар ва кулгили ҳазиллар марказида қолди.  Руминигге, Кан, Салихамиджич... Ҳали ёзда «Альянц Арена»да жуда кўп курсилар силкиниши аниқ. Зеро, Германиядаги клублар Боэли каби хужайинлар қўлида қолмаган, у ердаги тизим бўйича барчасини мухлислар назорат қилади. Шундай алфозда бой берилган мавсумнинг ҳисоби сўралиши шубҳасиз.