Про лига 6-тури доирасидаги «Динамо» - «Арал» (2:0) учрашувидан кейин «Динамо» бош мураббийи Вадим Абрамов ўйин ҳақидаги фикрлари билан ўртоқлашди.

«Яхши жамоага қарши қийин ғалабага эришдик. «Арал» яхши ўйинга эга жамоа эканлигини билардик. Биринчи бўлимда яхши вазиятларга эга эдик, аммо тўп дарвозага кирмади. Натижада, ўйин якуни тобора йигитлар шоша бошлашди ва бундай вазиятда яққол вазиятлар юзага келиши қийин эди. Ўзгаришдан кейин ҳисобни очдик ва якунда муҳим 3 очкога эга чиқдик. Энг асосийси шу.

Нукус жамоасининг «Локо»га қарши ўйинини томоша қилиб, ўрганган эдик. Ўшанда ҳам улар яхши ўйин намойиш этганди.

Эркин Бойдуллаев ва Евгений Назаровнинг таркибда йўқлиги нима билан боғлиқ? Ҳар икки ўйинчи ҳам жароҳат сабабли бугун бизга ёрдам бера олишмади.

Кейинги ўйин «Хоразм»га қарши бўлади ва бу клуб ҳам ҳурматга сазовор жамоа.

Бугун йигитлар кўрсатмаларни тўғри бажаришди, фақат шошишгани учун кўп хато қилишди», - деди Вадим Карленович.