«Манчестер Юнайтед»ни бошқараётган голландиялик мутахассис Эрик тен Хаг «Манчестер Сити»га қарши бўлиб ўтадиган Англия кубоги финали ҳақидаги фикрлари билан ўртоқлашди.
«Қизил иблислар» ярим финалда «Брайтон»ни (0:0, пенальтилар бўйича 7:6) енгишди.
«Бу ажойиб финал бўлади, аммо ҳозирча бизнинг фикримиз бошқа нарсаларда. Келгуси мавсумда Чемпионлар лигасига йўл олиш биз учун жуда муҳим.
Бўлажак ўйинларда ўзимизни яхши кўрсатишимиз керак. Бу мавсумда биз бунга қодир эканимизни кўрсатдик», - деди Тен Хаг.
«Манчестер Юнайтед» ва «Манчестер Сити» ўртасидаги финал учрашуви 3 июнь шанба куни Лондондаги «Уэмбли» стадионида бўлиб ўтади.
