«Manchester Yunayted»ni boshqarayotgan gollandiyalik mutaxassis Erik ten Xag «Manchester Siti»ga qarshi bo‘lib o‘tadigan Angliya kubogi finali haqidagi fikrlari bilan o‘rtoqlashdi.
«Qizil iblislar» yarim finalda «Brayton»ni (0:0, penaltilar bo‘yicha 7:6) yengishdi.
«Bu ajoyib final bo‘ladi, ammo hozircha bizning fikrimiz boshqa narsalarda. Kelgusi mavsumda Chempionlar ligasiga yo‘l olish biz uchun juda muhim.
Bo‘lajak o‘yinlarda o‘zimizni yaxshi ko‘rsatishimiz kerak. Bu mavsumda biz bunga qodir ekanimizni ko‘rsatdik», - dedi Ten Xag.
«Manchester Yunayted» va «Manchester Siti» o‘rtasidagi final uchrashuvi 3 iyun shanba kuni Londondagi «Uembli» stadionida bo‘lib o‘tadi.
