«Манчестер Юнайтед» дарвозабони Давид де Хеа Англия кубоги ярим финалида «Брайтон» устидан қозонилган ғалаба ҳақида гапирди.

Ўйиннинг асосий вақти 0:0 ҳисобидаги дуранг билан якунланган бўлса, пенальтилар сериясида «қизил иблислар» аниқроқ бўлишди – 7:6.

«Кучли рақиб билан жуда кескин баҳс ўтказдик. «Брайтон» ажойиб футбол намойиш этмоқда. Пенальтилар серияси?

Мен бунга доим тайёрман. Серия давомида ҳужумчиларга босим ўтказишга ҳаракат қилдим. Финалда катта ўйин бўлади, биз дунёнинг энг яхши жамоаларидан бири билан учрашамиз», - дея испанияликнинг сўзларини келтиради BBC Sport.