Кеча "Милан"нинг "Лечче"га қарши бўлиб ўтганини томоша қилиш учун "Бавария"нинг икки нафар ҳимоячиси ташриф буюрди.
Гап Бенжамин Павард ва Лука Эрнандес ҳақида кетмоқда. Луканинг акаси Тео Эрнандес "Милан" шарафини ҳимоя қилади.
Football Italia нашри хабарига кўра, ўйиндан сўнг франциялик футболчилар миланликлар кийиниш хонасига кириб, клуб футболчилари билан суҳбатлашишган. Эслатиб ўтамиз, "Лечче" билан ўйин Рафаэль Леаунинг дубли эвазига "россонерилар"нинг 2:0 ҳисобида ғалаба қозонган эди.
Аввалроқ Павар келаси ёзда "Бавария"ни тарк этиши мумкинлиги ҳақида хабарлар тарқалган эди. Футболчининг шартномаси кейинги мавсум охирида якунига етади.