"Кристал Пэлас" ҳужумчиси Уилфрид Заха Премьер-лиганинг кўплаб топ-клублари қизиқишларига қарамай, ҳозирги жамоасида қолишни ўйламоқда. Журналист Саймон Филлипснинг сўзларига кўра, футболчи йилига 12 миллион евро маош оладиган янги шартнома таклифини қабул қилишга тайёр бўлади.
Манбанинг таъкидлашича, Заха келажакда "Кристал Пэлас"га Европа мусобақаларига чиқишда ёрдам беришни хоҳлайди, аммо раҳбарият трансфер бозорида сифатни яхшилашга кафолат бермаса, Уилфрид албатта кетади.
Эслатиб ўтамиз, ҳужумчи хизматларига "Челси", "Арсенал" ва "ПСЖ" каби клублар қизиқиш билдирмоқда.
