"Манчестер Юнайтед" ҳимоячиси Люк Шоу ҳужумчилар Маркус Рэшфорд ва Жейдон Санчони кубокнинг ярим финалида "Брайтон"га қарши ўйинда пенальтидан зарба берганликлари учун мақтади.
Айтиш жоизки, 2021 йилги Европа чемпионати финалида Рэшфорд ва Санчо “Уэмбли”да пенальтилар сериясида ирқчиликка дуч келишган.
“Мен Жейдоннинг ёнида эдим. “Нима бўлса ҳам, ўзингизга ишонинг”, дедим. Бу футбол, бу ерда ҳамма нарса бўлиши мумкин. Эҳтимол, уларнинг онгида охирги марта дуч келган ирқчилик ҳақида хотиралар бор эди. Менимча, улар ҳайратланарли ишонч кўрсатишди", - деди Шоу.
"Манчестер Юнайтед" 3 июнь куни Англия кубоги финалида "Манчестер Сити"га қарши майдонга тушади.
