Қанот ҳужумчиси Уилфрид Захада "Кристал Пэлас"да қолиш имконияти бор. The Guardian хабарига кўра, Лондон клуби 30 ёшли футболчи учун янги тўрт мавсумлик шартнома тайёрламоқда. Ушбу шартнома бўйича Заханинг маоши йилига 10 миллион фунтдан ошади.
Амалдаги шартнома Захани "Кристал Пелас" билан мавсум охиригача боғлайди. Футболчи Европа гигантлари – “Арсенал”, “Челси” ва “ПСЖ”нинг радарларида.
Умуман олганда, Заха "Кристал Пэлас" таркибида 455 та ўйинда майдонга тушди. Уларда футболчи 89 та гол урган ва шерикларига 76 та голли узатма берган.
