Qanot hujumchisi Uilfrid Zaxada "Kristal Pelas"da qolish imkoniyati bor. The Guardian xabariga ko‘ra, London klubi 30 yoshli futbolchi uchun yangi to‘rt mavsumlik shartnoma tayyorlamoqda. Ushbu shartnoma bo‘yicha Zaxaning maoshi yiliga 10 million funtdan oshadi.

Amaldagi shartnoma Zaxani "Kristal Pelas" bilan mavsum oxirigacha bog‘laydi. Futbolchi Yevropa gigantlari – “Arsenal”, “Chelsi” va “PSJ”ning radarlarida.

Umuman olganda, Zaxa "Kristal Pelas" tarkibida 455 ta o‘yinda maydonga tushdi. Ularda futbolchi 89 ta gol urgan va sheriklariga 76 ta golli uzatma bergan.