Германиянинг "Лейпциг" клуби испаниялик футболчи Дани Ольмони жамоада сақлаб қолмоқчи.
Журналист Флориан Плеттенбергнинг ёзишича, клуб раҳбарияти футболчининг вакилларига сўнгги таклифни беришди.
Маълум қилинишича, янги шартнома имзоланиши шарти билан Ольмо клубнинг энг кўп маош олувчи футболчиларидан бирига айланади. Агар рад жавоби берилса, "Лейпциг" футболчини шу ёзда камида 30 миллион еврога сотиш ниятида.
Эслатиб ўтамиз, Дани Ольмо ўтган мавсумда Германия кубогини қўлга киритди. У 2020 йилнинг январь ойидан бери немис клубида ўйнамоқда. Transfermarkt портали 24 ёшли ярим ҳимоячини 40 миллион еврога баҳоламоқда.
