«Арсенал» вингер Вильфрид Захани сотиб олиш режаларидан воз кечмади. Бу ҳақда The Guardian ўз саҳифаларида ёзади.
30 ёшли ивуарлик футболчи келаси ёзда эркин агентга айланади, чунки унинг «Кристал Пэлас» билан шартномаси тугайди.
Қайд этилишича, «Челси», «ПСЖ», «Бавария», «Рома», «Марсель» ва Саудия Арабистони клублари ҳам Заханинг ҳолатини кузатиб боришмоқда.
Сўнгги бир неча йил ичида миш-мишлар мунтазам равишда Захани гигантлар билан боғлашди, аммо у «Кристал Пэлас»да қолди.
Ҳозир ҳам «бургутлар» футболчига янги шартнома таклиф қилиб, уни ўз сафида сақлаб қолишга қарши эмас.
Ҳаммаси бўлиб Заха «Кристал Пэлас» таркибида 455 та ўйин ўтказиб, 89 та гол урган ва 76 та голли узатмани амалга оширган.
