«Arsenal» vinger Vilfrid Zaxani sotib olish rejalaridan voz kechmadi. Bu haqda The Guardian o‘z sahifalarida yozadi.

30 yoshli ivuarlik futbolchi kelasi yozda erkin agentga aylanadi, chunki uning «Kristal Pelas» bilan shartnomasi tugaydi.

Qayd etilishicha, «Chelsi», «PSJ», «Bavariya», «Roma», «Marsel» va Saudiya Arabistoni klublari ham Zaxaning holatini kuzatib borishmoqda.

So‘nggi bir necha yil ichida mish-mishlar muntazam ravishda Zaxani gigantlar bilan bog‘lashdi, ammo u «Kristal Pelas»da qoldi.

Hozir ham «burgutlar» futbolchiga yangi shartnoma taklif qilib, uni o‘z safida saqlab qolishga qarshi emas.

Hammasi bo‘lib Zaxa «Kristal Pelas» tarkibida 455 ta o‘yin o‘tkazib, 89 ta gol urgan va 76 ta golli uzatmani amalga oshirgan.