Лондоннинг "Арсенал" клуби келаси мавсумда Чемпионлар лигасида иштирок этишини кафолатлади. Микель Артета жамоаси ҳозирда 75 очкога эга ва турнир жадвалида биринчи ўринда бормоқда.
Шу билан бирга, кучли тўртликдан пастроқ ўринларни эгаллаб турган биронта ҳам клубда "канонирлар"дан олдинга ўтиш учун математик имконият йўқ. Шу тариқа, "Арсенал" 2023/2024 йилги мавсумда энг нуфузли евротурнирда иштирок этади.
Лондон клуби охирги марта 2016/2017 йилги мавсумда Чемпионлар лигасида иштирок этганди. Ўша мавсумда "канонирлар" 1/8 финалга йўл олишди ва у ерда "Бавария"га умумий ҳисобда мағлуб бўлишди.
